in ,

வெற்றிகரமாய் நிறைவு பெற்றது பிறைநிலாவின் புஸல்லாவ பொங்கல் பயணம்

பிறைநிலா ஊடக வலையமைப்பு மற்றும் புஸல்லாவ மெல்போட் நண்பர்கள் ஒன்றியம் இணைந்து நடாத்திய தைப்பொங்கல் தின சிறப்பு நிகழ்வுகள் கடந்த வியாழக்கிழமை (2020.01.16) புஸல்லாவ மெல்போட் தோட்ட மைதானத்தில் சிறப்பாக இடம்பெற்றது. பிறைநிலா ஊடக வலையமைப்பின் பணிப்பாளர் சப்ராஸ் அபூபக்கர் மற்றும் மெல்போட் இளைஞர் ஒன்றியத்தின் தலைவர் சிறீகாந்த் ஆகியோர்களின் தலைமையில் நடைபெற்ற இந்நிகழ்வில் பிரதம அதிதியாக மனித உரிமைகள் ஆணைக்குழுவின் நுவரெலியா மாவட்ட பணிப்பாளர் திருமதி சுபோதினி அவர்களும் விஷேட அதிதியாக ரம்பொட ஐயப்பன் கோயில் மகேஸ்வர குருக்கள் ஆகியோரும் கலந்து சிறப்பித்தனர்.

மெல்போட் தோட்டத்தில் இருக்கக்கூடிய சிறுவர்கள் முதல் பெரியவர்கள் வரையான அனைவருக்குமான பல்வேறு போட்டி நிகழ்ச்சிகள் ஏற்பாடு செய்யப்பட்டிருந்தன. ஒவ்வொரு போட்டிகளும் புதுமையாய் இருந்ததோடு ஆர்வத்தோடு போட்டிகளில் பலரும் கலந்து சிறப்பித்தனர். போட்டிகளில் கலந்து வெற்றியீட்டியவர்களுக்கு பெறுமதியான பரிசில்களும் வழங்கி கௌரவிக்கப்பட்டது.

இதேவேளை பிறைநிலா ஊடக வலையமைப்பு மூலம் மூலிகைத் தாவரம் ஒன்று மெல்போட் தோட்டத்திற்கு அன்பளிப்பாக வழங்கப்பட்டது. பிறைநிலா ஊடக வலையமைப்பு மூலம் மகேஷ்வரக் குருக்களிடம் இந்த மரம் வழங்கி கௌரவிக்கப்பட்டது.
இந்நிகழ்வை வெற்றிகரமாய் செய்து முடித்தமைக்காக புஸல்லாவ மெல்போட் தோட்ட மக்கள் இதயபூர்வமான வாழ்த்துக்களைத் தெரிவித்ததோடு பிறைநிலா ஊடக வலையமைப்புக்கு நெஞ்சார்ந்த நன்றிகளையும் தெரிவித்திருந்தமை குறிப்பிடத்தக்கது.

-Safras Aboobakker –

What do you think?

Written by admin

Leave a Reply

Your email address will not be published.

GIPHY App Key not set. Please check settings

அட்டாளைச்சேனை அல் அர்ஹம் வித்தியாலயத்தில் பிரியாவிடை நிகழ்வு

பண்டாரகொஸ்வத்த, சுலைமானியா அரபுக் கல்லூரியின் இரண்டாவது பட்டமளிப்பு விழா இனிதே நிறைவு பெற்றது.