in

சாய்ந்தமருதில் பலியான பயங்கரவாதிகளின் சடலங்கள் தோண்டியெடுக்கப்பட்டன

-பாறுக் ஷிஹான்-

சாய்ந்தமருதில் தற்கொலைக் குண்டை வெடிக்கச்செய்து பலியான சில பயங்கரவாதிகளினதும், அவர்களின் குடும்பத்தாரினதும் சடலங்கள் இன்று (7) தோண்டியெடுக்கப்பட்டுள்ளன. அம்பாறை பிரதான நீதவான் அசங்கா ஹெட்டிவத்த முன்னிலையில் மேற்படி சடலங்கள் தோண்டியெடுக்கப்பட்டன.

இவ்வாறு தோண்டியெடுக்கப்பட்ட தற்கொலை செய்துக்கொண்ட சந்தேக நபர்களின் உடற்பாகங்கள் மரபணு பரிசோதனைகளுக்காக இரசாயன பகுப்பாய்வு அலுவலகத்திற்கு அனுப்பி வைக்கப்பட்டுள்ளன.

அவற்றில் நான்கு உடற்பாகங்கள் அழுகிய நிலையில் காணப்பட்டதால், சடலத்தின் உடற்பாகங்கள் சில மீண்டும் தோண்டியெடுக்கப்பட்டு பகுப்பாய்வாளருக்கு அனுப்பி வைக்கப்பட்டுள்ளன. அம்பாறை முன்னாள் சட்ட வைத்திய அதிகாரி ருச்சிர நதீரவின் முன்னிலையில் இந்த உடற்பாகங்கள் மீண்டும் தோண்டியெடுக்கப்பட்டுள்ளன.

கடந்த ஏப்ரல் மாதம் 26 ஆம் திகதி சாய்ந்தமருது வொலிவேரியன் ‘சுனாமி கிராமத்திலுள்ள வீடொன்றில் வைத்து, பாதுகாப்புத்தரப்பினருடன் இடம்பெற்ற துப்பாக்கிப்பிரயோகத்தின் பின்னர் வெடிகுண்டுகளை வெடிக்கச்செய்ததில் 15 பேர் பலியாகினர். குறித்த வீட்டிலிருந்து 6 சிறுவர்களினதும் 6 ஆண்களினதும் 3 பெண்களினதும் சடலங்கள் மீட்கப்பட்டன.

பயங்கரவாதத் தாக்குதலை மேற்கொண்ட சூத்திரதாரியான சஹ்ரான் ஹஸீமின் தந்தை அவரின் சகோதரர்கள் இரண்டு பேர் மற்றும் ஒரு சகோதரரின் மனைவி ஆகியோரும் சடலங்களாக மீட்கப்பட்டவர்களில் அடங்குகின்றனர்.

குறித்த குண்டுத்தாக்குதலில் உயிரிழந்த தீவிரவாதிகளின் சடலங்கள் கடந்த மாதம் 2ஆம் திகதி அம்பாறை பொது மயானத்தில் இஸ்லாமிய மதச்செயற்பாடுகளின்றி பலத்த பாதுகாப்புக்கு மத்தியில் அடக்கம் செய்யய்பட்டது.

மேலும், அம்பாறை நீதிமன்றம் பிறப்பித்த உத்தரவுக்கமைய இந்நடவடிக்கை மேற்கொள்ளப்பட்டதுடன், மரபணு பரிசோதனைகளுக்காக குறித்த சடலங்கள் தோண்டியெடுக்கப்பட்டதாக அம்பாறை பிரதேசத்திற்குப் பொறுப்பான பொலிஸ் உயரதிகாரியொருவர் தெரிவித்துள்ளார்.

What do you think?

Written by admin

Leave a Reply

Your email address will not be published. Required fields are marked *

GIPHY App Key not set. Please check settings

அரசுக்கு எதிரான நம்பிக்கையில்லாப் பிரேரணைக்கு ஆதரவு.

முஸ்லிம்களது வாகனங்களில் உள்ள அரபு எழுத்துக்கள் அல்குர்ஆனின் சில வரிகளே…