in

சஜித்துக்கும், நாமலுக்கும் வாக்கு வாதம் – காரணம் வெளியானது

எதிர்க்கட்சித் தலைவர் சஜித் பிரேமதாசவுக்கும் ஸ்ரீலங்கா பொதுஜன பெரமுனவின் நாடாளுமன்ற உறுப்பினர் நாமல் ராஜபக்ஷவுக்கும் இடையில் இன்று பாராளுமன்றத்தில் கடும் வாக்குவாதம் இடம்பெற்றது.

கடந்த ஜூலை மாதம் நடைபெற்ற போராட்டத்தின் போது ஜனாதிபதி செயலகத்திற்குள் பலவந்தமாக பிரவேசித்த நடிகை தமிதா அபேரத்ன அண்மையில் கைது செய்யப்பட்டமை மற்றும் அரசாங்கத்திற்கு எதிரான போராட்டக்காரர்கள் மீதான அடக்குமுறை குறித்து பாராளுமன்ற உறுப்பினர் சஜித் பிரேமதாச கேள்வி எழுப்பியதையடுத்து இரு பாராளுமன்ற உறுப்பினர்களுக்கும் இடையில் மோதல் ஏற்பட்டது.

அப்பாவி ஆர்ப்பாட்டக்காரர்கள் மீது நடத்தப்படும் அடக்குமுறையை நிறுத்துமாறும், நடிகை தமிதா அபேரத்னவை தடுத்து வைப்பதைத் தவிர்க்குமாறும் பாராளுமன்ற உறுப்பினர் சஜித் பிரேமதாச அரசாங்கத்திடம் கோரியுள்ளார்.

நாட்டில் இவ்வாறான அடக்குமுறைகள் தொடரும் போது அனைத்து அரசியல் கட்சிகளும் எவ்வாறு முன் வந்து அரசாங்கத்துடன் இணைந்து செயற்படும் என அவர் மேலும் கேள்வி எழுப்பியிருந்தார்.

எதிர்க்கட்சித் தலைவருக்குப் பதிலளித்த ஸ்ரீலங்கா பொதுஜன பெரமுனவின் பாராளுமன்ற உறுப்பினர் நாமல் ராஜபக்ஷ, நாட்டின் தற்போதைய சட்டங்களின்படி குற்றம் செய்தவர்கள் தண்டிக்கப்பட வேண்டும் என்றார்.

கைது செய்யப்பட்டவர்கள் விசாரணைகளுக்கு இணங்கி ஒத்துழைக்க வேண்டும் என்று அவர் மேலும் கூறினார்.

“எதிர்க்கட்சித் தலைவரே, காழ்ப்புணர்ச்சிச் செயல்கள் தொடர்பான விசாரணைகள் குறித்து உங்களுக்கு எந்தக் கவலையும் இருக்க முடியாது. நாம் அனைவரும் நீதித்துறையின் சுதந்திரத்தில் நம்பிக்கை கொண்டுள்ளோம். குற்றம் சாட்டப்பட்டவர்களுக்கு நாங்கள் இருவருமே சாம்பியனாக இருக்கக் கூடாது” என்று நாமல் ராஜபக்ஷ பதிலளித்தார்.

பாராளுமன்ற உறுப்பினர் நாமல் ராஜபக்ஷவுக்குப் பதிலளித்த எதிர்க்கட்சித் தலைவர், பொதுமக்களின் பிரதிநிதித்துவத்தை ராஜபக்ஷ குடும்பத்தாலோ அல்லது பாராளுமன்ற உறுப்பினர் நாமல் ராஜபக்சவோ தீர்மானிக்க முடியாது என்றார்.

இலங்கையின் அரசியலமைப்பில் அடிப்படை உரிமைகள் மற்றும் சட்டத்தின் ஆட்சி பற்றிய ஏற்பாடுகள் உள்ளதாகவும் அவை தற்போது எழுதப்பட்ட கருத்தாக்கங்களாக மட்டுமே கருதப்பட முடியும் என்றும் எதிர்க்கட்சித் தலைவர் மேலும் சுட்டிக்காட்டினார்.

இதேவேளை, கோட்டை பொலிஸில் தடுத்து வைக்கப்பட்டுள்ள நடிகை தமிதா அபேரத்னவை எதிர்க்கட்சித் தலைவர் சஜித் பிரேமதாச இன்று நேரில் சென்று பார்வையிட்டுள்ளார். (NW)

What do you think?

Written by admin

Leave a Reply

Your email address will not be published.

GIPHY App Key not set. Please check settings

பிரித்தானியாவின் அரசியலிலும் ரணிலின் ஆதிக்கம்

இராஜாங்க அமைச்சர்கள் பலர் பதவிப்பிரமாணம் – விபரம் உள்ளே